عید امت قالوری، حضرت مهدی گلنه

عیش ملت قالوری، حضرت مهدی گلنه

ائله بیر بایرام اولا ،ملت دنیا سئوینه

یته نوبت قالوری، حضرت مهدی گلنه

فیض آلا اهل جهان،حجت حقدن هاموسی

او فضیلت قالوری،حضرت مهدی گلنه

رحم ائدیر بنده سینه،آللاه اوزی اولدی یقین

چوخلی رحمت قالوری،حضرت مهدی گلنه

حق آچوب بنده سنه،دنیادا نعمت قاپوسین

بوللی نعمت قالوری،حضرت مهدی گلنه

اهل دنیاده گهی، نهضت ملت اولوری

اصلی نهضت قالوری،حضرت مهدی گلنه

گرچه بیرعده اولوب،هامی ملت بوزمان

چوخ حمایت،قالوری،حضرت مهدی گلنه

 گرچه گاها اولوری ملت دنیایه کمک

اصلی نصرت قالوری،حضرت مهدی گلنه

هادی ملت اولور دنیادا چوخلی علما

چوخ هدایت قالوری،حضرت مهدی گلنه

واردی بوعصریده چوخ دولت اسلامی اگر

شانلی دولت قالوری،حضرت مهدی گلنه

حضرتین دولتینه عضو اولاجاق اهل یقین

اوسعادت قالوری،حضرت مهدی گلنه

اهل دنیایه اگر،عالی زعامت اولاجاق

دوززعامت قالوری،حضرت مهدی گلنه

مومینین حاکم اولار،اهل بو دنیایه یقین

اووضعیت قالوری،حضرت مهدی گلنه

اوزمان دنیادا کی بیردانا دولت اولاجاق

او حکومت قالوری،حضرت مهدی گلنه

حاکم اهل جهان مرد الهی اولاجاق

حاکمیت قالوری،حضرت مهدی گلنه

وارخبرجامعه ده بینش ملت بیر اولار

دید مثبت قالوری،حضرت مهدی گلنه

بیر زمانی گله جاق،ملت دنیا آییلار

او لیاقت قالوری،حضرت مهدی گلنه

باخما کی ایندی عدالت ازیلیب چوخدی ستم

چون عدالت قالوری،حضرت مهدی گلنه

گله جاق یر اوزونه حضرت عیسی گینه ده

اولارؤیت قالوری،حضرت مهدی گلنه

قابیلیت یوخوموز،مهدی ائده ایندی قیام

قابلیت قالوری،حضرت مهدی گلنه

اقتدا ایلویه پیغمبری اوز وارثینه

هم او ساعت قالوری،حضرت مهدی گلنه

جمع اولا بیره یاران،یاران ولی اللاهمیز

روز وصلت قالوری،حضرت مهدی گلنه

حجت حقه ائده دنیادا یاری همگان

او حمایت قالوری،حضرت مهدی گلنه

گله جاق حجت حق یر اوزون آباد ائلویه

او وضعیت قالوری،حضرت مهدی گلنه

بیر زمان آللاهمیز نعمتینی بول ائلویه

هم او نعمت قالوری،حضرت مهدی گلنه

بیر زمان کی یر اوزی گلشن وگلزار اولاجاق

او طبیعت قالوری،حضرت مهدی گلنه

بیرزمانکی دولاجاق یر اوزی محصولاتیلا

او زراعت قالوری،حضرت مهدی گلنه

صلح وآرامش و امنیت کامل اولاجاق

او کرامت قالوری،حضرت مهدی گلنه

اهل دنیانین اولاهر زمان آسایشی چوخ

او کفایت قالوری،حضرت مهدی گلنه

حفظ ائده کل نسا دنیادا اوز عفتینی

ائله حالت قالوری،حضرت مهدی گلنه

گئده جاقدی آرادان ظلم وستم کبروغرور

چوخلی رأفت قالوری،حضرت مهدی گلنه

هله ظالم گوروسن دنیاداچوخ ظلم ائدیری

گئده ظلمت قالوری،حضرت مهدی گلنه

دنیادا وئرمییه باج ظالمه  کل رأسا

اوریاست قالوری،حضرت مهدی گلنه

جراتی اولمویا ظالم بیرینه ظلم ائلویه

ائله عادت قالوری،حضرت مهدی گلنه

ناگهانی اولاجاق نهضت حجت بیلیریک

اولا رخصت قالوری،حضرت مهدی گلنه

 بیری بیلمیرکی نواق مهدی قیام ایلویه جاق

ندور حکمت قالوری،حضرت مهدی گلنه

اولاجاق چوخلی علائم وئره نهضت خبرین

بس علامت قالوری،حضرت مهدی گلنه

ایلسه مهدی قیام جمع اولاجاق لشگری هم

او جماعت قالوری،حضرت مهدی گلنه

با صلابت اولاجاق، خادم و یاران آقا

هم صلابت قالوری،حضرت مهدی گلنه

 او گونی گوزلویوروک منتظروخ حضرته بیز

چوخلی صحبت قالوری،حضرت مهدی گلنه

انتقام شهدا بیر گونی حتمن آلینار

یته فرصت  قالوری،حضرت مهدی گلنه

قاتلین هر بیرنه حکم قصاصی وئریله

حکمیت قالوری،حضرت مهدی گلنه

یالثارات حسین کلمه سی تکراراولاجاق

دییه ملت قالوری،حضرت مهدی گلنه

اولزمان خرم اولار شیعه لری ائمه نین

چون مسرت قالوری،حضرت مهدی گلنه

چون حکومت ائلویر ملته مهدی اوزمان

دوز خلافت قالوری،حضرت مهدی گلنه

اهل دنیایه یقین حاکم اولار ائمه دن

او ولایت قالوری،حضرت مهدی گلنه

اهل دنیا آییلاعارف اولا امامته

ائده لذت قالوری،حضرت مهدی گلنه

آللاهین حجتینه چوخلاری بیعت ائلویه

ائله بیعت قالوری،حضرت مهدی گلنه

حجت حقه هامی پیرواولافخر ائلویه

ائله طاعت قالوری،حضرت مهدی گلنه

دین اسلام یتوشه عزته مثلی اولمویا

ائله عزت قالوری،حضرت مهدی گلنه

عزتی اوجه یتر اوندا علی شیعه لری

او جلالت قالوری،حضرت مهدی گلنه

اهل ایراندا چوخی  یاوریدی کی حجتین

او جمیعت قالوری،حضرت مهدی گلنه

حجت حقه اگر یار اولاجاق نسوان همی

او کرامت قالوری،حضرت مهدی گلنه

ائت دعا محمدی تئز گله صاحبالزمان

عید امت قالوری،حضرت مهدی گلنه