یانیر جهاندا چوخ اورک،ولی حق فراقینه

گوره جمالنی بیرآن،دوشوبدی اشتیاقینه

چوخی گزیر بوعالمی،یته حضور حضرته

گوره بیرآنی حجتی،گئدیلله هی سراقینه

حجتین عاشقی گونده دییوری یامهدی(ص)

کیم اولا متقی بنده  دییوری یامهدی(ص)

قلبدن عاشق اولا هرکیم اگر حضرت اوچون

نقدر قالسا او زنده  دییوری یامهدی(ص)

پرچم آل عباده یازیلیب یا مهدی(ص)

مذهبی ملّی لواده یازیلیب یا مهدی(ص)

چوخلاری گونده دییوردیلده اگر مهدی آدین

اورگینده فقهاده یازیلیب یا مهدی(ص)

هر جمعه گوزلریم یولدا قالدی

گلمه دی سروریم هـاردا قالدی

گلمــوری بس نیه حجت اللاه

                                                گون به گون غم بیزه سایه سالدی

رحم ائله ملته قادر آللاه

اذن وئر تا گله حجت اللاه

غصه دن چوخ اورک دوندی قانه

                                                آغلوری شیعه لر یانه یانه

بس نواق گله جاق حجت اللاه

                                                حجتیندن بیزه وئر نشـا نه

رحم ائله ملته قادر آللاه

اذن وئر تا گله حجت الللاه

عمروموز یتوشور باشه آللاه

                                رحـم ائـله آغـاران بـاشه آللاه

آغلیانه یقین رحم ائدرسن

                                                قیل نظر گوزده کی یاشه آللا

رحم ائله ملته قادر آللاه

اذن وئر تا گله حجت الللاه

آغلارام گوز یاشیم هی النسین

                                                گوزیا شیما محاسین بلنسین

بیز الونجن گله حجت اللاه

                                                فاطمه گلشنی تازه لنسین

رحم ائله ملته قادر آللاه

اذن وئر تا گله حجت الللاه

امتی قویما آللاه داریخسین

                                 چوخ اورگی غم وغصه سیخسین

یوردی بو انتظار بیزی آللاه

                          صبرین ایوین داخی قویما یخسین

رحم ائله ملته قادر آللاه

اذن وئر تا گله حجت الللاه

عمریده انتظار بیزده قالدوخ

                            هـی یولا گوز تیکیب بیز قرالدوخ

گوزله دیک تا گله حجت حق

                                گلمه دی غصه دن تئز قوجالدوخ

رحم ائله ملته قادر آللاه

اذن وئر تا گله حجت الللاه

قویما آللاه ولین چوخ یوبانسین

                                                شیعه اونون فراقیندا یانسین

اذن وئرسن گلر صاحب عصر

                        قویما داغیبتی چوخ اوزانسین

رحم ائله ملته قادر آللاه

اذن وئر تا گله حجت الللاه

ایندی منتظر اولماق چتیندی

                                                گوزده هی یولدا قالماق چتیندی

چوخلاری انتظار الدی گئتدی

                                                انتظار حالدا الماق چتیندی

رحم ائله ملته قادر آللاه

اذن وئر تا گله  حجت الللاه

حجتین گلماقی چوخ یوباندی

                                                امتین اورگی دولی قاندی

ظالمان ظلم ائدیر ایندی گونده

                                                ظالمین ظلم عرشه دایاندی

رحم ائله ملته قادر آللاه

اذن وئر تا گله  حجت الللاه

ای خدا بو قدر حسرت اولماز

                        انتظار گوزده چوخ طاقت اولماز

شیعه نین دشمنی چوخدی هرآن

                          گلمه سه صاحبی راحت اولماز

رحم ائله ملته قادر آللاه

اذن وئر تا گله  حجت الللاه

قویما امت گوزی یولدا قالسین

                        انتظار صبرینی الدن آلسین 

امرائله گلسین امت آقاسی

         امتین باشینا سایه سالسین

رحم ائله ملته قادر آللاه

اذن وئر تا گله حجت آللاه

گلسله حجتین راحت اوللوخ

                            بیزده بیر صاحب عزت اوللوخ 

مسلمین رهبر حجت اولسا

                                                اوندا بیز صاحب قدرت اوللوخ

رحم ائله ملته قادر آللاه

اذن وئر تا گله حجت آللاه

لطف ائله ای خدا مولا گلسین

                        شیعه نینده بیر آن اوزی گلسون

شیعه گورسون گلیبددور آقاسی

                        السه ده هر زمان راحت السون  

رحم ائله ملته قادر آللاه

اذن وئر تا گله حجت آللاه

شیعه نین گوزلری اشکباردی

                                                گوره لر حضرتی بیقراردی

چوخالیب منتظر بو زماندا

                                                اولارین عده سی بیشماردی

رحم ائله ملته قادر آللاه

اذن وئر تا گله حجت آللاه

سالما آللاه بیزی سن نظردن

                                                 حفظ ائـله حجت هر خطردن

پرده ی غیبتی گوتور آللاه

                         صاحب امر اولان منتظردن

رحم    ائله ملته قادر آللاه

اذن وئر تا گله حجت آللاه

ای محمدی  ایـلـه دعــانی

                              آنــد وئــر عــزتینه خدانی

عرض ائله ای الهی رحیمسن

        اذن وئــرگـیله گـله آقانی

رحم ائله ملته قادر آللاه

اذن وئر تا گله حجت آللاه

اولوب نور خدا دنیاده مهدی

همان میر هدادنیاده مهدی

جمالیندن نمایان جلوه ی حق

اولان بدرالدجی،دنیاده مهدی

اونی خلق ایلیوبدی خالق اولسون

وصی مصطفا،دنیاده مهدی

اونا اظهار ائدردرمانده دردین

ائدردرده دوا،دنیاده مهدی

چتین مشگل لری آسان ائدیبدی

اولوب باب رجا،دنیاده مهدی

گلیب نائب اولا شیر خدایه

اولوب مشگل گشا،دنیاده مهدی

ولایت عالمینده مهر رخشان

اولان شمس الضحی،دنیاده مهدی

آچارپرچم عدالت ساحه سینده

بلی صاحب لوا،دنیاده مهدی

گلیدی کاش بیزلرده گوریدوخ

ائدیب عدلی به پا ،دنیاده مهدی

قوتارمیر منتظرلر انتظاری

ائدیلّه آه ووا،دنیاده مهدی

امام عصره هر کیم قائل اولسا

ائدر امداد اونا،دنیاده مهدی

محمدی دییر نذر ایلورم گل

سنه جانیم فدا،دنیاده مهدی

وار حدیث واردی خبر مهدی زهرا گله جاق

بیلوری چوخلی بشر مهدی زهرا گله جاق

اهل عالم بیلوری منجی ملت اولاجاق

گلسه ایام دگر مهدی زهرا گله جاق

ائله بیر مسئله دی اولدی یقین متقیه

یتوشه وقتی اگرمهدی زهرا گله جاق

فقط آللاه بیلوری بیرکسه معلوم دگولی

غیبتی وار نقدر مهدی زهرا گله جاق

غیبتین مدتی وارکی اولاجاقدی سپری

ائیل دونر قرن دونرمهدی زهرا گله جاق

ای مسیحی بیلوسن کی گله جاق عیسی گینه

بیلموسن سنده مگر؟ مهدی زهراگله جاق

امته منجی اولا حضرت آللاه یارادیب

صاحب قرب قدر مهدی زهرا گله جاق

گئدیری کیم سفره هاموسی تئزلی قئیدیر

اولدی اوزون بو سفر مهدی زهرا گله جاق

نقدر غصه ائده ک بیرگونی باشه یته جاق

اولاجاق غصه بدر مهدی زهرا گله جاق

چوخ داریخما اورکیم دوره ی هجران قوتولار

خالق ایلسه نظر مهدی زهرا گله جاق

انتظار فرجی حق یارادیب امت اوچون

گوزله ریک شام وسحرمهدی زهرا گله جاق

گوزلوری یولداشیلا محمدی گلسین آقا

یتر ایام ظفر مهدی زهرا گله جاق

عید امت قالوری، حضرت مهدی گلنه

عیش ملت قالوری، حضرت مهدی گلنه

ائله بیر بایرام اولا ،ملت دنیا سئوینه

یته نوبت قالوری، حضرت مهدی گلنه

فیض آلا اهل جهان،حجت حقدن هاموسی

او فضیلت قالوری،حضرت مهدی گلنه

رحم ائدیر بنده سینه،آللاه اوزی اولدی یقین

چوخلی رحمت قالوری،حضرت مهدی گلنه