یانیر جهاندا چوخ اورک،ولی حق فراقینه

گوره جمالنی بیرآن،دوشوبدی اشتیاقینه

چوخی گزیر بوعالمی،یته حضور حضرته

گوره بیرآنی حجتی،گئدیلله هی سراقینه

گزیلله کربلانی یا،ائمه نین حرم لرین

عنایتی اولار آقا،ائمه نین قوناقینه

چکیله انتظارینی،جهاندا چوخلی عاشیقی

اوخور دعای ندبه نی،باخین بیر اتفاقینه

گلیدی مصلح جهان،قوریدی عدلی ای خدا

وئردی خاتمه اوزی بیر عده نین نفاقینه

نیازی واردی جامعه،ولی عصر وجودینه

وار احتیاجی امتین،اوحضرتین سیاقینه

گوریدی مسلمین گلیب،وصی خاتم النّبی

اولیدی متحد هرآن،یتیدیله وفاقینه

ائدیر بیرعده اختلاس،گلیدی رهبر عظیم

وئریدی خاتمه اونون،حرام پولی یماقینه

گلیدی صاحب الزّمان،اولیدی قطع یالان دئماق

ویریدی قورخودان چوخی،زیپی هرآن دوداقینه

گوریدی افترا دیین،دئسه دوشر عقوبته

وئریدی خاتمه داخی،هی افترادئماقینه

ندا گلیدی ای خدا،ظهور ائدیب ولیّ عصر

یتیدی سس بیرآنیده،جماعتین قولاقینه

گوریدی شیعه لرگلور،وصی مرتضا علی

ائدیدی پیشواز همی سپیدی گل قباقینه

ائدیدی آشکارآقا،آناسینین مزارینی

چکیدی نقشه نی اوزی،صحن وسرا رواقینه

چکوبدی انتظارینی محمدی آز عمریده

گوریدی مه جمالینی،دوشیدی هم ایاقینه