مناجات نامه

ایله عنایت منه رب جلیل

    انت الهی انا عبد الذلیل

درگهیوه اولموشام آللاه دخیل  

   انت الهی انا عبد الذلیل

آنلامادیم ایلدیم  آللاه گناه  

  بیلمه میشم ایله میشم اشتباه

توبه ائدیب من سنه گتدیم پناه 

   توبه ائدن انسانا اولدون کفیل

 انت الهی انا عبد الذلیل

درگهیوه اوز گتورر بنده لر 

   توبه ائدر عاقل اولان زنده لر

واردی امیدی سنه شرمنده لر  

  چوخلاری اولدو بیلوسن منفعل

 انت الهی انا عبد الذلیل

توبه ائده عاصی اولانلار اگر

    رحمتیوه نائل اولار سربه سر

توبه ائدن بنده وه قیلدین نظر   

 واردی اونا سایسان اگر مین دلیل

 انت الهی انا عبد الذلیل

سیّأتیم ائتدی منی رو سیاه   

 گتدی وجودیمده هرآن سوز وآه

ایله میشم توبه الان ای الاه 

   عفو ائده سن سن منی اولدون وکیل

 انت الهی انا عبد الذلیل

بیز بیلریک وار بشره رأفتین

عفو ائله مک اودو سنین سنتین

شامل اولور بنده لره رحمتین

علت اودو خلق ائله دین سلسبیل

 انت الهی انا عبد الذلیل

سعی ائله دیم پیرو اولام من سنه

قوردی پاچا لیک شیاطین منه

اولدو آز عامل عمل احسنه

خیر عملیم اولدو الهی قلیل

 انت الهی انا عبد الذلیل

واردی شیاطینده کی بد سیرتی

تولویا رعالمده او لار ملتی

مخلصه چاتمازکی ولی قدرتی

مخلصه قوش سن منی آللاه بو ائیل

انت الهی انا عبد الذلیل

خالق یکتا بیلورم من سنی

پاکلاگیلا منده کی روح وتنی

صاحب ائله خیر عمله سن منی

تا وئره سن بندیه اجر جزیل

انت الهی انا عبد الذلیل

شامل اولور ملت اوچون رحمتین

بنده لره چوخدی هرآن رأفتین 

سایسز حساب سیزبیزه وارنعمتین

بنده لره گلدی هرآن مثل سیل

انت الهی انا عبد الذلیل

واردی قاباقدا بیزه یوم الحساب

عاصی اولان بندیه واردی عذاب

خیّره اوردا وئره جاقسان ثواب

فضلون اولوبدی بیلورم بی بدیل

انت الهی انا عبد الذلیل

ایلدین آللاه کی عنایت منه

آچدین اوزون راه هدایت منه

وئردین همی عشق ولایت منه

نعمتیوین هاموسی اولدو جمیل

انت الهی انا عبد الذلیل

ایله میشم منده اطاعت سنه

ایلدیم آز چوخ کی عبادت سنه

اولمادی قابل بئله طاعت سنه

عفو ائله اولسامدا بیرآز من کسیل

انت الهی انا عبد الذلیل

فائزه آللاه سن اوزون رحم ائله

قویما شیاطین منه قورسون تله

نفسیمه غالب اولا بیلمم هله

گرچه تلاش ایله میشم اللّی ائیل

انت الهی انا عبد الذلیل

https://telegram.me/asadollahmohammadi

قربان اولا جانیم ـــ عزتیوه آللاه

گوز تیکوبدی بنده ن ـــ رأفتیوه آللاه

چون عظیم اولوبدی ـــ عزتین الهی

قربان اولا ملت ـــ شوکتیوه آللاه

درگهیوه گلدی ـــ هرزماندا ملت

چون امید واردی ــ ساحتیوه اللاه

بنده لره سایه ـــ رحمتین سالوبدی

وار نیازی امت ـــ رحمتیوه آللاه

ایلدین منه احسان، قربانین اولوم آللاه

بنده یم سنه منان ،قربانین اولوم آللاه

بیدین اولمادیم من کی، مشرک اولمادیم حتی

اولموشام کی مسلمان ،قربانین اولوم آللاه

شاکرم بونا گونده ،اولموشام سنه بنده

آللاهیمسان ای رحمان، قربانین اولوم آللاه

بنده یم سنه منده ،اولارام حقه تسلیم

چون سنه واریم ایمان،قربانین اولوم آللاه

حمد ائلرم آللاهه،دینیمیز اولوب اسلام

اولدی مصحفیم قرآن ،قربانین اولوم آللاه

من موحد انسانم،امت محمدم(ص)

فاخرم اونا هرآن،قربانین اولوم آللاه

شیعه دی همی بنده،چون علی اولوب مولام

مذهب اولدی هم شایان،قربانین اولوم آللاه

وئرمیسن صفا قلبه،نوریویله سن دائم

تاپیری صفا نوردان،قربانین اولوم آللاه

ایلدین هدایت چون،تاپپشام ره حقی

یا رحیم ویارحمان،قربانین اولوم آللاه

عاشق حسینم من ،خادم او مولایم

وئرمیسن منه امکان،قربانین اولوم آللاه

شکر اولا سنه خالق،سیده آنام واردی

اولدی نسل امامان،قربانین اولوم آللاه

صالحه عیال وئردین،مومنه خانم اولدی

تاپپیشام سروسامان،قربانین اولوم آللاه

ایلدین عنایت سن،صالح اولدی اولادیم

قیزاولوب ویا اوغلان،قربانین اولوم آللاه

وئرمیسن حلال روزی،نعمتین فراواندی

روزینی وئرن آسان،قربانین اولوم آللاه

ایسته دی قورا شیطان،ایلویم گناه بیر آن 

قویمادین ائدم عصیان قربانین اولوم آللاه

قوردی نفس امماره،ایلویم خطا منده

ساخلادین منی هرآن،قربانین اولوم آللاه

چوخ بلا منه گلدی،ساخلادین بلا لردن

واردی هم اونابرهان،قربانین اولوم آللاه

گُلله نی آتیب دشمن،دیمه دی منه حتی

قالدیم اوندا من حیران،قربانین اولوم آللاه

دیدی بیری یولداشا،یولداشیم شهید اولدی

اولدی راهی رضوان،قربانین اولوم آللاه

ائدیری سنه سجده،گونده کی محمدی

کاش اولا سنه قربان،قربانین اولوم آللاه

یا آللاهُ   یا رحمانُ،یا رحیم

درگهیوه، گلدی بنده ن،یا عظیم

یا فتاحُ،یا منانُ،یا عزیز

درگهیوی،آچ یوزومه،یاعلیم

یا توّابُ،یا وهّابُ،الودود

بغیشله سن، گناهیمی،یا کریم

رحم ایله سن، منه رئوفُ،الحسیب

رحمتین اولوبدی  مولی چون عمیم

یا الهُ و،یا احدُ،یا صمد

احسانیوه،نیازیم وار،یا قدیم

عفو ایله سن شیعه لری الاکرم

یا غفورُ،یا غنیُ،یا حلیم

سندن سوای،یوخدی پناهیم الحق

احسان ائله منه اوزون یا مقیم

یا لطیفُ،یا ناصرُ،الواسع

اجازه وئر ساینده من گئچینیم

ای اوّلُ،وی آخرُ،الذّارء

یا مصّور،یا رقیبُ،یا حکیم

محتاج ائتمه پست انسانه بیزلری

یا حمیدُ،یا قادرُ،یاعظیم

رحم ائت بیزه،یا رزاقُ،یا واحد

یا خالقُ،یا محیطُ،یا کریم

یا بصیرُ،یاعالم،یا غفار

سن بیلوسن،منده اولدی،نه چکیم

یا ملکُ،ایا برُّ،یاوکیل

جنّ بشر،سنه ائدیری،تعظیم

انت الحیُّ،انت النُوّر،یااعلی

نورون واردی اورگیمده زیم به زیم

یا کافُیُ،یا شهیدُ،یا سمیع

قویما اولا،بیزه غالب، بیر لئیم

یا جلیلُ،الشّافیُ،یا قیوم

عشقین اولوب حتی اورگه تفهیم

یا حفیُّ،ایا عفوُ،یا مومن

یا سیّدی اولادیمی،ائت فخیم

یا هادیُ،یا قدوُس،ایا عدل

قویما اولا،بیزه شیطانی قنیم

یاقاضی الحاجاتُ مولی یا وارث

ائتمه قسمت بیزه عذاب جحیم

یا دیانُ،یا شکُور،الجواد

احسان ائله منه سن قلب سلیم

یا علیُّ،الوفیُّ،یا باقی

ائتمه قسمت بیزه غسّاق وحمیم

السّلامُ،المهیمن،والرّائی

احسان ائله بیزه بهشتی حریم

یا قدیرُ،الظّاهرُ،والباطن

ایمانیمی،ایله الهی،تحکیم

یا مغیثُ، المبینُ،القریب

ائتمه نصیب بیزه عقباده سقیم

انت الرّبُ،العالمینی،یاحفیظ

قسمت ایله بیزه جنتی گئیم

یا فالقُ،والبدیعُ،الباریء

امریوه اولموشام الهی تسلیم

یا جبّارُ،متکبّر،سن قویما

توولویا تامنی شیطان رجیم

یا باعثُ،والکبیرُ،الخبیر

بیزی قویما اولاق تا اهل اثیم

یا سبّوُح،القابضُ،والصادق

قسمت ایله بیزه جنات نعیم

یا کاشف الضرُ خیرالناصرین

قویما ائده ک دین و ایمان ,وخیم

یا قویُّ،ایا فردُ،یا صانع

قسمت ایله آب کوثردن ایچیم

یا غیاث المستغیثین یا فاطر

قویما قالا خوردا اوشاقی یتیم

یا باسطُ یا مجیدُ ،ایا وتر

آلدی احسان،درگیوه گلیب کیم

دوخسان دوققوزاولوب اسماء حُسنی

آند وئرم اواسمایه یا کریم

نظریندن سالما محمدینی

یا آللاهُ یا رحمانُ یا رحیم

عزتین وار حی منان،چوخ عظیم سن یا الهی

خالق عالم سن اولدون،چون قدیم سن یاالهی

خلق ائدیبسن کایناتی ،هم اونا وئردین نظامی

قدرتین عظیمدی آللاه،کی علیم سن یا الهی