اولوب نور خدا، موسی بن جعفر

وصی مصطفا،موسی بن جعفر

اولوب وارث اودا، چون انبیایه

اولان باب رجا،موسی بن جعفر

اونون جدی علی، شیر خدادی

اوزی میرهدا،موسی بن جعفر

اولوبدی جده سی،خاتون محشر

عزیز مرتضا،موسی بن جعفر

آتاـسی جعفر،صادقدی مولا

شه ملک ولا ،موسی بن جعفر

بالاسیننان بیری،شاه خراسان

اولوب بابا اونا،موسی بن جعفر

ائدیب جنت کیمی طوسی بالاسی

اولوب فاخر آقا،موسی بن جعفر

عزیزه بیر بالاسی واردی قومدا

اونا اولدی بابا،موسی بن جعفر

بیری شیرازی ایلیبدی جنت

اونادی هم آتا،موسی بن جعفر

اولوب باب الحویج بو جهاندا

اولا مشگل گشا،موسی بن جعفر

چنین دردین دواسی واردی اوندا

ائدر درده دوا،موسی بن جعفر

دییردردین اونا چوخلی مریضان

آچوب دارالشفا،موسی بن جعفر

  اونا ائتدی ستم،هارون ملعون

گوروب چوخلی جفا،موسی بن جعفر

قالیبدی حبسیده مولا نئچه ائیل

اسیر اشقیا،موسی بن جعفر

مصیبته دچار اولدی جهاندا

گوروب چوخلی بلا ،موسی بن جعفر

وئریب زهری اونا،ظالم خلیفه

قالیبدی بیر حالا،موسی بن جعفر

دئدی یا فاطمه دور گل هرایه

گوروب جور جفا،موسی بن جعفر

الین اوزدی رضادن بو جهاندا

اولوردی چون جدا،موسی بن جعفر

دییر دردین اونا محمدی چوخ

ائدر درده دوا،موسی بن جعفر