ذکر اولار گونده نامون همیشه
یا محمد محمد محمد(ص)
چونکه وار احترامون همیشه
یا محمد محمد محمد(ص)
یا محمد محمد محمد(ص)
عالی اولوبدی مولا مقامون
واجب اولدی همی احترامون
وحی آللاه اولوبدی کلامون
زنده اولار کلامون همیشه
یا محمد محمد محمد(ص)
عالمه وئرمیسن کی صفانی
حیرته سالموسان اصفیانی
اهل عالم تانور مصطفانی
زنده قالدی مرامون همیشه
یا محمد محمد محمد(ص)
لطف ائدیبدی سنه حی منان
اولموسان صاحب عز شایان
عاشق اولوب سنه اهل ایمان
چوخالور احتشامون همیشه
یا محمد محمد محمد(ص)
اولموسان سن کی نور هدایت
اولدون ای آقاجان کان رحمت
عترتین اولدی کان کرامت
فخر ائدر سنه مامون همیشه
یا محمد محمد محمد(ص)
سنده چوخ اولدی آللاه صفاتی
وئردین امته بوللی براتی
آچمیسان چونکه باب نجاتی
امته وار انعامون همیشه
یا محمد محمد محمد(ص)
اولموسان رهبر اهل دین سن
سرور اهل روی زمین سن
ای آقا رحمت العالمین سن
چوخدی رحمت سهامون همیشه
یا محمد محمد محمد(ص)
گونده ریر سنه هر کیم صلوات
حق وئریر اونا یوز مین حسنات
وئریب حق سنه گورنه درجات
واردی ائله مقامون همیشه
یا محمد محمد محمد(ص)
افضلین خلقت خالق اولدون
افضل اولماقلیقا لایق اولدون
باعث خلق خلایق اولدون
اوجادور مولا بامون همیشه
یا محمد محمد محمد(ص)
وار وجودینده بو افضلیت
اولماسیدن یارانمازدی خلقت
سنه خاطر یارانوبدی ملت
واردی الهی جامون همیشه
یا محمد محمد محمد(ص)
کیم ائده آللاهینان مناجات
گوندرر سنه اوّل صلوات
واردی بو جمله ده چوخلی نکات
رحمت حقدی نامون همیشه
یا محمد محمد محمد(ص)
اولموسان خاتم الانبیا سن
اولدون هم رهبر اولیاسن
چونکه بو امته پیشواسن
امته وار پیامون همیشه
یا محمد محمد محمد(ص)
باشه سنله یتوبدی رسالت
نهضتین ائتدی خلق هدایت
بعثتین اولدی چون عالی نهضت
زنده اولدی قیامون همیشه
یا محمد محمد محمد(ص)
گویده مشهوراولوب آدین ا حمد
یرده مشهور اولوبدی محمد(ص)
امت اولدوق سنه ایلریک حمد
اولموشوق بیز غلامون همیشه
یا محمد محمد محمد(ص)
کامل اولوبدی مولا کمالون
عالم قویدی حیران جلالون
دین یولوندا چوخ اولدی ملالون
غمده چوخدی سهامون همیشه
یا محمد محمد محمد(ص)
گرچه عالی مقامه یتوبسن
بیزه خاطر مصیبت گوروبسن
دشمبیوه آقا رحم ائدوبسن
اولمادی انتقامون همیشه
یا محمد محمد محمد(ص)
دین یولوندا شهیدان چکوبسن اذیت
بیر زمان چکموسن چوخلی زحمت
گورموسن ای آقا چوخ مصیبت
لیک اولوبدی دوامون همیشه
یا محمد محمد محمد(ص)
اولدی محمدی سنه خادم
درگهینده سوروندوم مداوم
لطفون اولوب منه چونکه دائم
مست ائدیب منی جامون همیشه
یا محمد محمد محمد(ص)
عرض ائدیم محضریوه مجدد
سالما گوزدن منی یا محمد(ص)
درگهینده قالیم الی الابد
قوی گوزوم اوسته قامون همیشهیا محمد محمد محمد(ص)
سایت اصلی
با سلام و تشکر از شما بازدید کننده عزیز
برای استفاده از مطالب جدید می توانید به سایت اصلی مراجعه نمایید