گلدی قرآن کی ای اهل دنیا

خالقین امرینه اولدی دارا

بیلسین اهل جهان واردی عقبا

دانیری اونی بیر عده امما

بیزه رحم ایله ای آللاه،بشر اوچون قیامت وار

یقینیم وار گله جاقدی،هر انسانه او ساعت وار

چالینسا صور اسرافیل،النلر دیریلر بیردن

یغیلار محشره اوندا،یر اوزونده هر امت وار

هر زمان گلدی یری،عشقیله گوندر صلوات

گناهیننان النلر،گوندره سن هر صلوات

احمدین ساحتینه،گوندریب آللاه کی اونی

حضرته حقدن اولوب،رحمت برتر صلوات

عشقیله گوندره کیم،لذتی واردی صلوات

هم اونی گوندرنه،اجرتی واردی صلوات

 گوندریب آللاه اونی،حضرت پیغمبراوچون

جانب حقدن اونا،رحمتی واردی صلوات

دنیادااولدوم منده مسلمان حمداولا آللاهه

منده گتیردیم آللاها ایمان،حمداولا آللاهه

ایمانی گتدیم ربّ عظیمه، خالق یکتایه

دهریده اولدوم بنده ی منان،حمداولا آللاهه

نورهدایت واردی اورکده،نعمت عظمادی

هرزمان اولدوم عاشق یزدان،حمداولا آللاهه

پیرواسلام تابع قران،اولموشام عالمده

دنیادا اولدوم قاری قرآن،حمداولا آللاهه

دین محمد(ص) دینیم اولوبدی،افضل ادیاندی

دینیمه چیخمازآیری برادیان،شکراولا آللاهه

مذهبی جعفر بنده اولوبدی پیرو صادقدی

دنیادا اولدی مذهب شایان،حمداولا آللاهه

شیعه سی اولدوم شیرخدانین منده بودنیاده

راه سعادت تاپدیم آقاجان،حمداولا آللاهه

واردی اورکده مولا علینین حبّ فراونی

عشقی اولوبدی دیلده فراوان،حمداولا آللاهه

آل علینین پیروی اولدوم چون منه لازمدی

اصلاح اولارام گونده کماکان،حمداولا آللاهه

خادمی اولدوم منده حسینین حضرته معلومدور

آلمیشام حکمی منده اولاردان،حمداولا آللاهه

اولدی عنایت حق طرفیندن خادم دربارم

تأیید ائدیبدی شاه خراسان،حمداولا آللاهه

عشق علاقم چوخدور حسینه آللاهیم آگاهدور

آرتیری عشقه گونده کماکان ،حمداولا آللاهه

 مولاغمینده آغلامیشام چوخ گوزیاشیم آخوبدی

هفته ده اوچ گون گوزاولی گریان،حمداولا آللاهه

نوکرییم من شاعرییم من خادم مولایم

آگه اولوبدی شاه شهیدان،حمداولا آللاهه

سیّده اولدی حتی آنام کی عترت زهرادن

موسوی اولدی شهرتی الان،حمداولا آللاهه

معلوم اولوری نیتینه هم یتدی محمدی

لطف ائدیب آللاه چون منه هر آن،حمداولا آللاهه

بنده ی موحدم، خالق یکتایه قسم           

پیرو محمدم(ص)،ربی الاعلایه قسم

بیزی واردی یارادان،خالق لم یزلدی او  

اونا یوخدی بیرشریک،خالق دنیایه قسم

بیلورم گلیب گئدیب،یوزایرمی دورد مین انبیا      

حقدی کل انبیا،حضرت عیسایه قسم

دین اسلام قبول،ایلمیشم علتی وار                  

آخرین دیندی بودین،عیسی وموسایه قسم

وار قیامتده حساب،امتی وحشته سالار    

اوردا وار جنت ونار عرش معلایه قسم

ایمانیم واردی منیم،پیامبرین کتابینه                  

وحی منزلدی آدی،آیت عظمایه قسم

ایمانیم واردی همی،آخرته حق بیلوری   

مالک بوعالمه خالق عقبایه قسم

شهرتیم واردی همی،منده علی شیعه سیم 

حضرت محمده(ص) هم علی مولایه قسم

پیروآل علی،عاشق مولا علییم             

آند اولا ائمه یه حضرت طاهایه قسم

عاشق ولایتم،پیرو آل عصمتم    

اولاری چوخ سئورم،عصمت کبرایه قسم

من حسین عاشقیم،آغلامیشام حسینه چوخ          

آناسی فاطمیه،حضرت زهرایه قسم

اهل بیتین غمینه آغلامیشام دنیادا چوخ             

بضعه ی محمده (ص) ام ابیهایه قسم

شهدای کربلا بیزلری غمگین ائله دی    

آغلادیم چوخ اولاراجان احبایه قسم

اللی ائیل اولدی کی من حسینه هی آغلامیشام     

دلبر فاطمیه اکبر لیلایه قسم

هیئتیم واردی الان حضرت عباس آدینا   

آغلارام اوحضرته همت  سقایه قسم

بیلورم حجت حق آغلیری چوخ بو دنیادا 

غمینه من آغلارام غایة قصوایه قسم

عمه سی زینبه چوخ آغلییری ولی عصر

آغلارام منده اونا زینب کبرایه قسم

بیلوری محمدی،حضرت مهدی گله جاق     

حجته منتظرم،اوشه والایه قسم