عشقیله گوندره کیم،لذتی واردی صلوات
هم اونی گوندرنه،اجرتی واردی صلوات
گوندریب آللاه اونی،حضرت پیغمبراوچون
جانب حقدن اونا،رحمتی واردی صلوات
دقت ایله ساق اگر،ائمه نین دعاسینه
هردعاسینده یقین،کثرتی واردی صلوات
زر ندور قیمتینی،دنیادازرگر بیله جاق
ذکر ائدن متقیه،لذتی واردی صلوات
صلوات صاحبینه،چون وئریب آللاه عظمت
حضرت احمد اوچون،نسبتی واردی صلوات
هی ملائک لر اونی،ذکر ائلویر شام وسحر
چون بیلولر نقدر،حرمتی واردی صلوات
مومنه آللاه اونی،هدیه وئریب نه جاهله
مومن ومومنیه،قسمتی واردی صلوات
ایستوسن ایله دیغین،دعا اولا تئزلی قبول
گوندراول اونی سن،نصرتی واردی صلوات
کیم اونی گوندره چوخ،اجرینی آللاه وئره جاق
بیری بیلمور نقدر قیمتی واردی صلوات
هر نمازدا دییوسن،علتی واردی ای آقا
نمازیندا او گلیب،حکمتی واردی صلوات
نمازیندا دئمسه نماز قیلان قبول دگول
گور عبادتده نئجه،حکمتی واردی صلوت
وارسفارش کی اونی امت اوجادن دییه چوخ
اوجادن بیز دییوروخ،علتی واردی صلوات
ریشه کن ایلویه جاق اولسا نفاقی بیری گر
اوجادان اولسا ائله قدرتی واردی صلوات
یتوره یوز دفعیه،هر جمعه گوندرنده کیم
بونی بیلسین کی اونا جنتی واردی صلوات
هر ایکی دنیادا چوخ،عزتی ایستورسن اگر
چوخلی گوندر اونی سن عزتی واردی صلوات
بهترین عملدی کی،ولیک یوخدی زحمتی
بنده یه حقدن ائله رحمتی واردی صلوات
گونده محمدی کی،وردی اولوبدی بو دعا
بیلوریذکری ائدنه،نصرتی واردی صلوات