اهل تبریزده اولان شوکته باخ عزته باخ

معدن غیرت اولوب اوندا اولان شهرته باخ

شعرا و علما مجتهدی وار نقدر

بیشمار گلیب گئدیب بو شهریدن کثرته باخ

چون غیور ملتی واردی اونی عالم بیلوری

اهل دنیا دییوری دیلده اولان صحبته باخ

نئچه علامه لری نخبه لری عالمی وار

کسب ائدن منزلت ومقامیله رفعته باخ 

 بی دینه ایمه دی باش اجنبیه وئرمه دی باج

ملتی اولدی اویاق اهلی آلان شهرته باخ

رأس ایراندا هرآن واردی یری نقشه ده وار

بهترین یرده اولان کان شرف ملته باخ

یاغ پنیر بال کره سی شهرتی وار اولدی لذیذ

ییور هر کیم دییوری باخ دادینا لذته باخ

پایتخت اولموشودی دولت ایرانه بو شهر

ارکیدن نمونه وار اوندا اولان قدمته باخ

قوچ ایگیت لر دوغوری بوردا اولان خانملاری

شهر تبریزده هرآن مادر با عفته  باخ

افتخار ایلویه رک ستار وباقر خانا بیز

اهل ایرانه اولار کسب ائلوین عزته باخ

چون اولار اجنبیه ضربه ی کار ویردیلا ر

دشمن اقرار ائله دی ملت با غیرته باخ

رهبر فعلی الان خامنه ای اولدی بیزه

اهل ایرانه وئرن شوکته باخ حشمته باخ

انقلاب ائتدی اگر ملت ایران هامیسی

اهل تبریز او زمان ایله دیغی سبقته باخ

سالگردی اولاجاق بهمنین ایرمی دوقوزی

تبریزین اهلی او گون ایله دیغی همته باخ

تبریزین جماعتی ایرانا اولدی افتخار

اهل تبریزده اولان غیرت وحیثیته باخ

شهرتی واردی همی عاشق اهل بیت اولوب

شهر تبریزده آچوب وار نقدر هیئته باخ

فخر ائله محمدی سن یاشادین بو شهریده

گئتمه دین آیری یره سنده کی خوش نیته باخ