یاده سالور نهضتی،بهمن آیی گلنده
وئردی دیله نشآتی،بهمن آیی گلنده
عزیز گونلر یتیشدی،ایام ا... گلیبدی
خرم ایلور ملتی،بهمن آیی گلنده
هر اولار چراغان،ائیلده بو آی یتنده
خوش اولارهرساعتی،بهمن آیی گلنده
تبریزین اهلی قیام ائتدی اول بو آیدا
یاد ایلور او همتی،بهمن آیی گلنده
ایام ا... اولوبدی بهمن آیی نئچه گون
یاغور حقین رحمتی،بهمن آیی گلنده
تبریزین اهلی بو آی حماسه لر یاراددی
چوخالوری حرمتی،بهمن آیی گلنده
قالدی آدی جاویدان،حماسه نی یارادان
آیین آرتور عزتی،بهمن آیی گلنده
دوشور یاده خاطرات،صحنه لر زنده اولور
ملت آرتورشوکتی،بهمن آیی گلنده
خرم اولار هر ائیلده محمدی بوآیدا
مسرور ائدیرامتی،بهمن آیی گلنده