دنیا بیلورکی ایرانین،کشوری انقلابیدور
دولتی انقلابیدور،رهبری انقلابیدور
هدایت ائمه چون،الگو اولوبدی ملته
انقلاب دولاندیران،محوری انقلابیدور
رهبرایران اولدی کیم،سروری اولدی ملتین
فقیه اولان بو رهبری،سروری انقلابیدور
لطف ائدیب آللاه امته،مرد دلیری چوخلودی
مادری انقلابیدور،دختری انقلابیدور
الهام آلیر حسینیدن درسین آلیب خمینیدن
چوخلاری اولدی چون شهید،مادری انقلابیدور
آزقالیری قرخ اولا،مرگ بر امریکا دییور
شعارین ائتمیری عوض،اکثری انقلابیدور
همتی واردی ملتین،متکیدی اوزلرینه
وارنقدر کی نخبه سی برتری انقلابیدور
وقتی کی اولدی انقلاب،ارتش اولدی منقلب
وار نقدر نظامیان لشگری انقلابیدور
اوزلرینه متکیدی،ارتشی یا سپاهی لر
ایمه دی باش اجنبیه افسری انقلابیدور
اوزلری تولید ائلوری اسلحه سین ایندی اولار
وارنقدرمهندسی،بهتری انقلابیدور
انقلابین گونلرینه،ایله نظراهل وطن
شهید وئرن اولی یا،آخری انقلابیدور
وار نقدر اهل وطن،یاوراولوب انقلابا
اکبری انقلابیدور،اصغری انقلابیدور
رهبریمیز فقیهیدور،یاور اولوبدی ملته
ملتمیزاوزی بیلور یاوری انقلابیدور
وارنقدررئیس اگر،تابع اولوبدی رهبره
بوعرصه ده رئیس لرین،اکبری انقلابیدور
نظمه چکور محمدی،حماسه ی ملت گر
چون اوزی انقلابیدور،دفتری انقلابیدور