عزتین وار حی منان،چوخ عظیم سن یا الهی
خالق عالم سن اولدون،چون قدیم سن یاالهی
خلق ائدیبسن کایناتی ،هم اونا وئردین نظامی
قدرتین عظیمدی آللاه،کی علیم سن یا الهی
ندی ذاتون بیلماق اولماز،وصفه گلمزذات پاکون
چون عظیم اولدی صفاتین،هم حکیم سن یاالهی
لا شریک ولامکانسان چون منه ثابتدی حتی
لیک من هر یرده گوردوم،بس مقیم سن یاالهی
معدن احسان اولوبسان،ای رحیم ورحمان آللاه
منبع جود وسخاسن،چون کریم سن یا الهی
عالمه یتوبدی فیضین،فضلین اولوب بی نهایت
کاینات فیض آلدی سندن،چون رحیم سن یاالهی
نعمتین اولدی فراوان،بهره مند اولدی خلایق
صاحب دریای رحمت،هر نعیم سن یا الهی
ناسپاس اولدی کی بنده ن،آلمادین تئزانتقامی
فرصتی وئردین اونا چوخ،چون حلیم سن یاالهی
ایلدین منی هدایت،گئتمه دیم راه ضلالت
نوریوی ائتدین اورکده،هی مقیم سن یا الهی
وئرمیسن منه نجاتی،نفس امماره الینن
تقوالی وئردین بیرآزکی بس گییم سن یا الهی
من سنه عبدم بیلورسن،ایلرم گونده عبادت
وئرمیسن آزچوخ منه چون بیرچکیم سن یاالهی
سن منی خلق ائتدین آللاه،نوریوی سالدین بوقلبه
نوریوه یروئراورکده زیم به زیم سن یاالهی
نوریوی قویما قطع اولسون،لحظه ای مولی اورکدن
مهریوی پیکیله گونده،قیل نسیم سن یاالهی
حمد ائلر محمدی چوخ،اولدی بیرموحد انسان
فیضی آلدی درگهینن،چون رحیم سن یاالهی