ائتمیسن دنیاده سن بیرقانلی نهضت یا حسین

قانویله وئرمیسن اسلامه زینت یا حسین

ایلدین مولا عمل دنیاده سن پیمانوه

غبطه ایلر اهل دین پیمانوه ایمانوه

جانیمیز اولسون فدا سن وئردیگین قربانوه

اهل دین سنله تاپوب عالمده عزت یا حسین

مکتب اسلامیده وئردین بیر عالی امتحان

وئرمیوب مئرمز بئله بیر امتحان اهل جهان

ناز ائدر مولا سنه دنیاده کل شیعیان

نهضتین اولدی بیزه دنیاده رحمت یا حسین

ائتمه دین ذلت قبول باش ایمه دین ظلامه سن

قانیویله غالب اولدون چون لعین حکامه سن

ال وئریبسان دین یولوندا عالی بیر اقدامه سن

ائتمییب ائتمز بیری بیر بیله همت یا حسین

آل سفیانی آقا عالمده رسوا ایلدین

نقشیوی دنیاده سن چون عالی ایفا ایلدین

حق ندور ائتدین عیان دنیاده احیا ایلدین

نقشیوه حیران قالیب اهل سیاست یا حسین

سید ارض و سما کان شرف اولدون آقا

هم عزیز و دلبر شاه نجف اولدون آقا

مرتضایه جانشین یعنی خلف اولدون آقا

اولموسان هم نائب شاه ولایت یا حسین

حضرت پیغمبره عالمده اولون افتخار

حق یولوندا جان وئروب چون دینی ائتدین پایدار

عزتی بو امته آلدین شها دائم قالار

ای بسا ایثاریوه مرهوندی امت یا حسین

غبطه ایلر اهل عالم ای آقا ایثاریوه

عقل حیراندی هرآن پنداریوه کرداریوه

اهل عالم قربان اولسون یاریوه انصاریوه

انتخاب ائتدی اولار راه شهادت یا حسین

ایلدین آللاهه چون نهضتده مولا اتکال

ای ائدن ظلامیله دنیاده قانلی بیر قتال

قویمادین سن آبروی ملت اولسون پایمال

ناز ائدر کرداریوه آزاده ملت یا حسین

اهل عالم وار نیازی هر زمان امدادیوه

شیعه لر ایلر عمل سن ائتگین ارشادیوه

جان وئرنده شیعه وی حتی سالارسان یادیوه

چون ائدرسن شیعه وه هرآن محبت یا حسین

نسلیوه آللاه وئریب عالمده عالی عزتی

همتی فقاهتی شجاعتی حیثیتی

پیرو اولدو جدینه دنیاده ائتدی نهضتی

امته آچدی اولار  راه سعادت یا حسین

موسوی اولدی خمینی نسبتی واردیر سنه

ائتمه دی ذللت قبول باش ائیمدی اهریمنه

ایله دی بیر انقلابی سیلی وئردی دشمنه

نهضت کرب و بلایه ائتدی نصرت یا حسین

رهبر ایران زمین اولدو الان سید علی

شهرتی اولدی حسینی چون همان سید علی

بو زماندا سیزلره اولدو نشان سید علی

ایلوری اسلمه ایندی عالی خدمت یا حسین

سیزلره وار نسبتی سید حسن لبناندا وار

پایگاه دینی او لبناندا ائتدی پایدار

دشمن دینه اودا ضربه وئریر هی آشکار

ایلدی مثل خمینی استقامت یا حسین

حقیله باطل هر آن دنیاده ائتدی چون جدل

جنگ خندق بیر زمان بیر دوره ده جنگ جمل

بو زمان چوخدور جدل روشن اولوب واردی علل

تولانیر چون ظالمه اهل ضلالت یا حسین

انقلابی ایلدی دنیاده بوللی شیعیان

حق ندور ذلت ندور امتلره اولدی عیان

عاشیق اهل ولا چون امته وئردی تکان

زنده ائتدی امتی عشق ولایت یا حسین

فائزا ائت افتخار اولدون حسینین خادمی

اهل دین اهل یقین حبل المتینین خادمی

کیم اولا خادیم حسینه اولدی دینین خادمی

ایلدین چون خادمه چوخلی عنایت یا حسین