ماه محرم گلوری یاحسین
چوخ اورگه غم گلوری یاحسین
گیدی قرا کوینه گینی شیعه لر
چون مه ماتم گلوری یا حسین
آغلوری یر گوی سنه بو آیدا چوخ
نالیه با هم گلوری یا حسین
آغلوری جنتده سنه فاطمه
شیونه مریم گلوری یاحسین
قانه دونوبدی شفق آسمان
نوری یره کم گلوری یا حسین
نالیه گلمیر آقا تک شیعه لر
اهل دو عالم گلوری یا حسین
ای وای حسین وای سسی هر کوچه دن
گوشه دمادم گلوری یا حسین
کل ملائک بو آی اولدی غمین
ناله سی توأم گلوری یا حسین
هر ائیل عزاداریوه آرتیر آقا
هیئته چون یم گلوری یا حسین
خون شهیدان بو آیی گوئیا
جوشه مسلم گلوری یا حسین
آغلیا هر کیم سنه بو دنیادا
گوز یاشی هر دم گلوری یا حسین
آغلوری گوز دویموری امما اورک
گوز یاشی بس کم گلوری یا حسین
ایستوری هر کیم سنه نوحه یازا
شعری منظم گلوری یا حسین
آغلوری محمدی چوخلی بو آی
چون دیلینه غم گلوری یا حسین